عاوزة تكونى الطالبة المثالية

السلام عليم يا احلى فتوكات في الدنيا
بمناسبة المدارس
انا عملت الموضوع دا
علشان نطلع الاوائل
وتكوني الطالبة المثالية في عين الكل
وطبعا انا مقسمة موضوعي 12 قسم
1- القدوة
2- تعاملك مع الله واهلك
3- عوامل النجاح
4- النظافة الشخصية والجمال
5- الاتيكيت
6- تحضير الشنطة
7- اليوم الاول في المدرسة
8-التعامل مع المعلمات
9-التعامل مع الاصدقاء
10- المذاكرة
11- تسطيرات للدفاتر وانشطة
12- الروتين اليومي من الالف الى الياء

الجزء الاول
القدوة
اهم حاجة في الحباة ان الانسان يكون عندة قدوة
بس طبعا لازم تكون قدوة حسنة زي الرسول صلى الله عليه وسلم
او احد الخلفاء الراشدين
وممكن بيكاسو او اديسون
او ابو بكر الرازي
اي حد المهم يكون شخص ترك علامة في الحياة كل الناس بتذكرة بالخير
بسبب العلامة دي
يعني مش تختاري مغني او ممثل لا انتي لازم تختارياللشخص اللي نفسك تبقي زية
بس مش تقلدية لا انتى تحاولي متغلطيش الاخطاء اللي غلطها
بس لازم قدوتك تبقى زي طريق يساعدك للوصول لهدفك
اتمنى كل واحدة تكتب في الرد مين هو قدوتها

الجزء الثاني
تعاملك مع الله واهلك
وطبعا علشان تنجحي لازم يكون ربنا راضي عنك
فلازم تحافظي على كل الصلوات ومتكسليش
ومتقوليش مش مهم انا الاول مكنتش منتظمة
ودا خلى مستواي يرجع واول لما انتظمت رجعت احسن من الاول
وطبعا لازم تحفظي قران
وكمان حاولي يكون ليكي ورد يومي تقراية في اي وقت
وطبعا لازم تخلي جزء من مصروفك تتبرعي بية يعني لومصروفك جنية يبقى تخلي ربع
جنية
وفي اخر السنة هيكون مبلغ اتبرعي بية
نيجي لمعاملتك مع اهلك
لازم تحترميهوم طبعا
وتحاولي تساعي ماما في شغل البيت
وكمان تساعدي اخواتك الصغرين في واجبتهم
واي حاجة يطلبوها منك اعمليها وخلاص
استنوني في الجزء اللي جاي

الجزء الثالث
عوامل النجاح
طبعا كلنا فاكرين ان احنا لو ذاكرنا هنطلع الاوائل لا في حجات تانية لازم ناخد بالنا منها علشان نبقا اوائل بجد
1- عدم الدح ( تعريف الدح : الدح هو انك تحفظي من غير ما تفهمي )
طبعا لازم تكوني فاهمة اي حاجة في المنهج حتى لو مش حافظها
2-لازم تكون علاقتك مع اصدقائك كويسة ( لتجنب المشاكل)
ودا هيخلي المدرسين والطلاب ياخدوا عنك فكرة حلوة
3- تعاملي المدرسين بأدب
علشان يحبوكي وتبقي مميزة
4-لازم متلبسيش مخالف يعني لازم اليونيفورم
علشان متتهزئيش
5- ابدامتتكلميش ولا تتعاملي مع اولاد
علشان البنات ميتكلموش عليكي
6- متنسيش تعملي الاجب
منعا للتهزيق
استنوني في الجزء القادم

الجزء الرابع
النظافة الشخصية والجمال
طبعا كل البنات
واكيد لازم البنت لازم تكون نظيفة علشان تبقى جميلة
ومن خلال ان هديهولك
هتبقى جميلو ونظيفة
- تاخدي شاور 3 مرات في اليوم قبل النوم -قبل المدرسة- بعد المدرسة
2- اليونيفورم لازم بتبدل اكتر من مرة في الاسبوع
انااليونيفورم بتاعي قميص ابيض فوقة مريلة طويلة لونها كحلي
فأنا بغير القميص كل يوم اما المريلة مرتين في الاسبوع
3- تجنبي الميك اب ولو عاوزة يبقى مرطب شفاة فاتح
4-قللي من الاكسسوارات يعني خاتم واسورة بس
- حاولي متلبسيش جزمة مفتوحة او سندل داخل المدرسة
بس كدة
استنوني في الجزء اللي جاي وعايزم اشوف الردود