{يلا يلا نستعد ونجهز للمدارس من دلوقتى هقولكوا ازاى}

الســــلامـــ علــــيكمــ ورحمــــة الله وبركـــاتـــــــــه
ازيكو يا احلى اعضاء
عامــــلين ايه يا قمرات؟
النهاردة هكلمكم عن التجهيز للمدارس في خمس نقط :
1)ازاى تظبتى وتجهزى نفسك اليوم الى قبل المدارس.
2)ازاى تظبتى لبسك.
3)ازاى تظبتى شنطتك.
4)الحاجات الى هتاخديها معاكى.
5)هتعملى ايه اول يوم المدارس.

{اولا}
ازاى تجهزى نفسك اليوم الى قبل المدارس.

{هتصحى الصبح بدرى تظبتى اوضتك كدا وسريرك ولو استلمتى الكتب شيليها و ورتبيها وانزلى هاتى الكشاكيل والادوات من الكتبة عشان متنزليش تانى لما تيجى من المدرسة ولو في حاجة زادت ابقي هاتيهااوزى ماتحبي وظبتى البيت كدا لو فيه حاجة مش مترتبة وبعدين بقي هتتغدى هتكون الساعة 3 او 4 تاكلى وتخشي تقرى في كتبك كدا شوية وتاخديلك ساعة على الكمبيوتر او اللاب وبعدين هتقومى توضبي لبسك وتوضبي شنطتك وتخشي تاخدى شاور خلصتى شاور هتكون الساعة 8_9كدة وبعدين بقي حطى كريم مرطب للبشرة وlabello وحطى مزيل عرق و خشي نامى .

{ثانيا}
ازاى تظبتى هدومك.
هتجيبي اليونيفورم بتاعك تكويه وتعليقيه تعليقه حلوة عشان يبقي معدول مش مكسر وطرحتك تعلقيها على شماعة بعد ما تكويها وشرابك يبقي قريب منك مش في وسط الدولاب وانتى عارفة طبعا الدولاب بيبقي عامل ازاى فا خلى درج للشرابات عشان تلاقيى في الشراب وشوزك او جذمتك تكون متلمعة ومتبهدليش شوزك ولو عندك حصة العاب يبقي الترننج يكون نضيف ومتعلق عشان لما تحتاجيه.

{ثالثا}
ازاى تظبتى شنطتك.
انتى هتجيبى شنطتك هتحطى فيها كتبك وكشكول واحد من الكشاكيل الى انتى جبتيها و كراسة رسم و مقلمتك الى هيكون فيها الحاجات دى:

فيها الاقلام بتعتك ويارت يكون اتنين من كل لون الاحمر والازرق والاسود واى لون زيادة الى انتى تحبيه مثلا اخضر او موف او بينك وبلاش الاصفر بليز 
وحطى فيها الالوان الخشب بتاعتك او الفلوماستر
ومقص صغنون وجلو ستيك او اى نوع تانى
,والاستيكرز بتاعك
واقلام الجليتر بتاعتك للتزين
كدة مقلمتك بقت جاهزة

{رابعا}
الحاجة الى هتاخديها مهمة معاكى .
خدى معاكى وايبس/صابونة ديتول/فوطة صحية/فوطة عادية/LABELLO لو ينفع الى من غير لون/مراية ومشط صغنون لو مش محجبة/وازازة اسبرآى/جل معقم

{خامسا}
هتعملى اية اول يوم المدارس.
بوصي يا ستى انتى هتصحى زى الشاطرين كدا على الساعة 5او6 تاخديلك شاور منعش كدا يصحصحك وتكونى نايمة بدرى عشان تعرفي تصحى بدرى يعنى على الساعة 9او 10 وبعد ماتاخدى شاور تخرجى تحطى كريم مرطب للبشرة وتحطىlabelloمن غير لون وتسرحى شعرك وتعمليه كحكة وتلبسي وتحطى برفيوم خفيف خالص وتلبسي طرحتك وشوزك او خلى الشوز في الاخر واخرجى افطرى مع اهلك بعدين شوفي بقي الbusالى بياخدك ولا باباكى بيوديكى او بتروحى مشي انا بابايا بيودينى وبعدين لما تروحى كدا سلمى على اصحابك واحضنيهم بس من غير هبل وصوتك مايعلاش خليكى رقيقة وبعدين تسلمى على المدرسين وتقفي في الطابور بقي لما يبدأ متكلميش خالص ولما تطلعى الفصل امسحي الديسك او البنش بمعقم وامسحي ايدك بالوايبس او الجل وبعديت تقعدى هادية ولما المدرسين يدخلوا تبداى بقي تكتبي الطلبات في الكشاكيل الى معاكى او لو معكيش ممكن يكون معاكى بلوك نوت/نوت بوك
وبعدين بقي تروحى تتغدى او لو اتغديتى في المدرسة خلاص تروحى تاخدى شاور من غير شعرك يعنى عشان العرق بس وخشي نامى ساعة ساعتين واصحى شوفي الطلبات وجهزيها والواجبات واعمليها وحطى تيكتس او استيكرس وبعدين تذاكرى شوية وتخشي تنامى تكون الساعة 9او10 وقبل ماتنامى تحطى كريم مرطب للبشرة وحاولى تنامى 8 ساعات بس عشا بشرتك وجسمك يرتاحوا ولما تصحى اشربي كوبايتين مايه ودوبي معلقة عسل في ماية عشان مفيد وكل الى قولتوا عن البشرة في موضوع الاستعداد للعيد مش كلو يعنى حاجات بسيطة
انا كدا خلصت ويارب تستفيدوا من موضوعى دا باااااااى

{ملحوظة}:الموضوع دة من مجهودى مش منقول ودا على مسؤليتى يمكن يكون مكرر فى المنتدايات التانية